ಡಾ: ಬಿ.ಆರ್. ಅಂಬೇಡ್ಕರ್ ಅಭಿವೃದ್ದಿ ನಿಗಮ : ಭೂ ಒಡೆತನ ಯೋಜನೆ

ಯಾರಿಗೆ?

ಪರಿಶಿಷ್ಟ ಜಾತಿಗೆ ಸೇರಿದ ಭೂರಹಿತ ಕೃಷಿ ಕಾರ್ಮಿಕರ ಕುಟುಂಬದ ಮಹಿಳೆಯರಿಗೆ

ಅರ್ಹತೆಗಳು/ಮಾನದಂಡಗಳು

• ಫಲಾನುಭವಿ ಪರಿಶಿಷ್ಟ ಜಾತಿಯ ಭೂರಹಿತ ಕೃಷಿ ಕಾರ್ಮಿಕ ಕುಟುಂಬದ ಮಹಿಳಾ ಅಭ್ಯರ್ಥಿಯಾಗಿರಬೇಕು
• ನಿಗಮದಿಂದ ಈ ಹಿಂದೆ ಸಾಲ ಪಡೆದಿರಬಾರದು ಮತ್ತು ಸುಸ್ತಿದಾರರಾಗಿರಬಾರದು
• ಭೂ ಮಾಲೀಕರು ಪರಿಶಿಷ್ಟ ಜಾತಿ/ಪರಿಶಿಷ್ಟ ವರ್ಗಕ್ಕೆ ಸೇರಿರಬಾರದು
• ಭೂ ವಿವಾದ ಪಿ.ಟಿ.ಸಿ.ಎಲ್. ಕಾಯ್ದೆ, ಭೂ ಸುಧಾರಣೆ ಕಾಯ್ದೆ, ಭೂ ಮಂಜೂರಾತಿ ಕಾನೂನು, ಅರಣ್ಯಕಾಯ್ದೆ ಇತ್ಯಾದಿ ಕಾಯ್ದೆಗಳ ಉಲ್ಲಂಘನೆಯಾಗಿರಬಾರದು. ಕೃಷಿಗೆ ಯೋಗ್ಯವಾಗಿರಬೇಕು ಮತ್ತು ಹಾಲಿ ವ್ಯವಸಾಯ
  ಮಾಡುತ್ತಿರುವ ಜಮೀನಿರಬೇಕು. ಜಮೀನಿನ ಮೂಲ ದಾಖಲಾತಿಗಳಾದ ನೋಂದಣಿ, ಮಂಜೂರಾತಿ ಪತ್ರ, ಖಾತೆ,ಪಹಣಿ, ಇ.ಸಿ. ಬ್ಯಾಂಕಿನಿಂದ ಬೇ-ಬಾಕಿ ಪತ್ರ, ಹಾಗೂ ಭೂ ಮಾಲೀಕರ ಒಪ್ಪಿಗೆ ಪತ್ರ ಪಡೆದು ಸ್ಥಳ ಪರಿಶೀಲನೆಮಾಡಿ ಜಿಲ್ಲಾ ವ್ಯವಸ್ಥಾಪಕರು ಜಿಲ್ಲಾ ಖರೀದಿ ಸಮಿತಿಗೆ ಮಂಡಿಸಬೇಕು. ಜಿಲ್ಲಾಧಿಕಾರಿಗಳ ಅಧ್ಯಕ್ಷತೆಯಲ್ಲಿ ನಡೆಯುವ ಈ ಸಮಿತಿಗೆ ಸಮಾಜ ಕಲ್ಯಾಣ ಅಧಿಕಾರಿ, ಪ್ರಧಾನ ಕೃಷಿ ಅಧಿಕಾರಿ, ಉಪ ವಿಭಾಗಾಧಿಕಾರಿ, ಸರ್ಕಾರಿ ಭೂ ವಿe್ಞÁನಿಗಳು ಸದಸ್ಯರಿದ್ದು, ಜಿಲ್ಲಾ ವ್ಯವಸ್ಥಾಪಕರು ಸದಸ್ಯ ಕಾರ್ಯದರ್ಶಿಯಾಗಿರುತ್ತಾರೆ. ಜಿಲ್ಲಾ ವ್ಯವಸ್ಥಾಪಕರು ಎಲ್ಲಾ ಜಮೀನುಗಳ ಬಗ್ಗೆ ಉಪ ವಿಭಾಗಾಧಿಕಾರಿ, ತಹಶೀಲ್ದಾರರು, ಕೃಷಿ ಅಧಿಕಾರಿ,ತೋಟಗಾರಿಕೆಅಧಿಕಾರಿ, ರೇಷ್ಮೆ ಇಲಾಖೆ ಅಧಿಕಾರಿಗಳ ಅಭಿಪ್ರಾಯ ಪಡೆಯಲಾಗುವುದು
• ಅರ್ಜಿಗಳಲ್ಲಿ ಭೂ ಮಾಲೀಕರ ಮತ್ತು ಫಲಾನುಭವಿಗಳ ಭಾವಚಿತ್ರ ಕಡ್ಡಾಯವಾಗಿ ಪಡೆಯಬೇಕು
• ಭೂ ಒಡೆತನ ಯೋಜನೆಯಡಿ 2.00 ಎಕರೆ ಖುಷ್ಕಿ ಜಮೀನು ಅಥವಾ 1.00 ಎಕರೆತರಿ/ಭಾಗಾಯ್ತ ಜಮೀನನ್ನು ಪರಿಶಿಷ್ಟ ಜಾತಿಗೆ ಸೇರದ ಭೂ ಮಾಲೀಕರಿಂದ ಖರೀದಿಸಿ ಕೊಡಲಾಗುವುದು
• ಫಲಾನುಭವಿಗಳ ಕನಿಷ್ಟ ವಯಸ್ಸು 18 ವರ್ಷ, ಗರಿಷ್ಟ 50 ವರ್ಷಗಳಾಗಿರಬೇಕು.
• ಜಮೀನನ್ನು ಫಲಾನುಭವಿಗೆ ತೋರಿಸಬೇಕು ಹಾಗೂ ನಿಗದಿಪಡಿಸಬಹುದಾದ ಬೆಲೆಯ ಬಗ್ಗೆ ಚರ್ಚಿಸಿ ಅವರ ಅಭಿಪ್ರಾಯ ಮತ್ತು ಫಲವತ್ತತೆ ಹಾಗೂ ಅಂತರ್ಜಲದ ಲಭ್ಯತೆ, ಉಪ ನೋಂದಣಾದಿ üಕಾರಿಗಳ ಕಛೇರಿಯಲ್ಲಿ ನೋಂದಣಿಯಾಗಿರುವ ದಸ್ತಾವೇಜುಗಳ ನೋಂದಾಯಿತ ಬೆಲೆ, ಅಕ್ಕಪಕ್ಕದ ಜಮೀನಿನ ಬೆಲೆ ಮತ್ತು ಸ್ಥಳೀಯ
  ಮಾರುಕಟ್ಟೆ/ ಮಾರ್ಗಸೂಚಿ ಬೆಲೆಯನ್ನು ಗಣನೆಗೆ ತೆಗೆದುಕೊಂಡು ಜಮೀನಿಗೆ ಜಿಲ್ಲಾ ಸಮಿತಿಯಲ್ಲಿದರ ನಿಗದಿ ಪಡಿಸಲಾಗುವುದು.
• ಜಮೀನಿನ ಕ್ರಯಪತ್ರ ನೋಂದಣಿಯ ಸಮಯದಲ್ಲಿಯೇ ಅಡಮಾನ ಪತ್ರ ಸಹಾ ನೋಂದಣಿ ಮಾಡಿಸಿ, ನಿಗಮಕ್ಕೆ ಒತ್ತೆಯಾಗಿರುವ ಬಗ್ಗೆ ದಾಖಲೆ ಮಾಡಿಸಿ, ಪಹಣಿ ಪಡೆದು ಫಲಾನುಭವಿಯ ಕಡತದಲಿ ್ಲಡಬೇಕು ಹಾಗೂ ಜಮೀನನ್ನು
  ಮೋಜಣಿದಾರರಿಂದ ಅಳತೆ ಮಾಡಿಸಿ, ಗಡಿಗುರುತು ಹಾಕಿಸಿ, ಫಲಾನುಭವಿಗಳಿಗೆ ಹಸ್ತಾಂತರಿಸಿರುವ ಬಗ್ಗೆ ಮಹಜರ್ ಪ್ರತಿಯನ್ನು ಕಡತದಲ್ಲಿರಿಸಬೇಕು.

ಅರ್ಜಿ ಸಲ್ಲಿಸುವ ವಿಧಾನ

ಆನ್‍ಲೈನ್
https://adcl.karnataka.gov.in

ಸಲ್ಲಿಸಬೇಕಾದ ದಾಖಲೆಗಳು

• ಜಿಲ್ಲಾ ಸಮಿತಿ ನಡವಳಿಯಲ್ಲಿ ಪ್ರತಿಜಮೀನಿನ ಬಗ್ಗೆ ಪ್ರಸ್ತಾಪ ಮಾಡಿ, ಒಂದೊಂದು ಜಮೀನಿಗೆ ನಿಗದಿಪಡಿಸಿದ ಬೆಲೆಯು ಸೂಕ್ತವೆಂಬ ಬಗ್ಗೆ ದೃಢೀಕರಿಸಬೇಕು
• ನಿಗದಿತ ನಮೂನೆ-2ರಲ್ಲಿ ಜಿಲ್ಲಾ ವ್ಯವಸ್ಥಾಪಕರು/ತಾಲ್ಲೂಕುಅಭಿವೃದ್ದಿ ಅಧಿಕಾರಿಗಳ ಜಮೀನಿನ ಸ್ಥಳ ಪರಿಶೀಲನಾ ವರದಿ.
• ಜಮೀನಿನ ಬಗ್ಗೆ ನಮೂನೆ-1ರಲ್ಲಿ ಪಿ.ಟಿ.ಸಿ.ಎಲ್, ಲ್ಯಾಂಡ್‍ಗ್ರಾಂಟ್, ಭೂ ಸುಧಾರಣೆ ಕಾಯಿದೆಗಳ ವ್ಯಾಪ್ತಿಗೆಬರುವುದಿಲ್ಲವೆಂಬ ಮತ್ತು ಯಾವುದೇ ತಂಟೆತಕರಾರಿಲ್ಲದಿರುವ ಬಗ್ಗೆ ಹಾಗೂ ಜಮೀನಿನ ತರಹೆ ಬಗ್ಗೆ ತಹಶೀಲ್ದಾರರವರದಿ.
• ಸದರಿ ಗ್ರಾಮದ ಇತ್ತೀಚಿನ ಜಮೀನು ನೋಂದಾಯಿತ ಬೆಲೆ ಮಾರ್ಗಸೂಚಿ ಬೆಲೆಯ ವಿವರ.
• ಬೆಳೆ ನಮೂದಿಸಿರುವ ಜಮೀನಿನ ಇತ್ತೀಚಿನ ಪಹಣಿ.
• ಬ್ಯಾಂಕ್ ಬೇ-ಬಾಕಿ ಪತ್ರ (ಆ ಭಾಗದಎಲ್ಲಾ ಬ್ಯಾಂಕುಗಳಿಂದ)
• ಕಚ್ಛಾ ನಕಾಶೆ
• ಎನ್‍ಕಂಬರೆನ್ಸ್ ಸರ್ಟಿಫಿಕೇಟ್
• ಭೂ ಮಾಲೀಕರ ಒಪ್ಪಿಗೆ ಪತ್ರ.
• ಕಾನೂನು ಸಲಹೆ
• ವಿಡಿಯೋಚಿತ್ರೀಕರಣದ ಸಿ.ಡಿ.
• ತರಿ/ಭಾಗಾಯ್ತು ಜಮೀನಾಗಿದ್ದಲ್ಲಿ ನೀರಾವರಿ ಇಲಾಖೆಯಿಂದ ದೃಡೀಕರಣ ಪತ್ರ
• ಭೂ ಮಾಲೀಕರ ಜಾತಿ ಪ್ರಮಾಣ ಪತ್ರ
• ತಹಶೀಲ್ದಾರರಿಂದ ಪಡೆದ ಕೃಷಿ ಕಾರ್ಮಿಕರ ಪ್ರಮಾಣ ಪತ್ರ.
• ಅರ್ಜಿ, ಜಾತಿ ಮತ್ತು ಆದಾಯ ಪ್ರಮಾಣ ಪತ್ರ, ಪಡಿತರಚೀಟಿ.
• ಜಿಲ್ಲಾ ವ್ಯವಸ್ಥಾಪಕರಿಂದ ದೃಡೀಕರಿಸಲ್ಪಟ್ಟ ನಮೂನೆ-3.

ಡಾ: ಬಿ.ಆರ್. ಅಂಬೇಡ್ಕರ್ ಅಭಿವೃದ್ದಿ ನಿಗಮ,
9 ಮತ್ತು 10ನೇ ಮಹಡಿ, ವಿಶ್ವೇಶ್ವರಯ್ಯ ಚಿಕ್ಕ ಗೋಪುರ,
ಡಾ: ಬಿ.ಆರ್. ಅಂಬೇಡ್ಕರ್ ವೀದಿ, ಬೆಂಗಳೂರು – 560 001.

[email protected]
ದೂರವಾಣಿ: 080-22868870

ಸಕಾಲ ವ್ಯಾಪ್ತಿಗೆ ಬರುತ್ತದೆಯೇ

ಇಲ್ಲ