ರೇಷ್ಮೆ ಇಲಾಖೆ: ಗೂಡಿನ ಪೂರ್ವದ ಕಾರ್ಯಕ್ರಮಗಳು: ನೊಂದಾಯಿತ ಖಾಸಗಿ ದ್ವಿತಳಿ ಚಾಕಿ ಸಾಕಾಣಿಕೆ ಕೇಂದ್ರ ಸ್ಥಾಪನೆ

ಸೌಲಭ್ಯ

ಚಾಕಿ ತೋಟ ಸ್ಥಾಪನೆ/ನಿರ್ವಹಣೆ, ಚಾಕಿ ಹುಳು ಸಾಕಾಣಿಕೆ ಕಟ್ಟಡ ನಿರ್ಮಾಣ ಹಾಗೂ ಚಾಕಿ ಸಾಕಾಣಿಕೆ ಸಲಕರಣೆ ಖರೀದಿಗೆ ಸಹಾಯಧನ

ರಿಯಾಯಿತಿ

ಸಾಮಾನ್ಯ ವರ್ಗದವರಿಗೆ ಘಟಕದರದ ಶೇ75% ಹಾಗೂ ಪ.ಜಾ/ಪ.ಪಂ ಘಟಕದರದ ಶೇ.90 ರಿಯಾಯಿತಿ

ಯಾರಿಗೆ?

ರೇಷ್ಮೆ ಬೆಳೆಗಾರರಿಗೆ

ಅರ್ಹತೆಗಳು/ಮಾನದಂಡಗಳು

• ದ್ವಿತಳಿ ಚಾಕಿ ಸಾಕಾಣಿಕಾ ಕೇಂದ್ರಕ್ಕೆ ಸಹಾಯಧನ ಪಡೆಯಲು ಇಚ್ಚಿಸುವವರು ಕೇಂದ್ರ ರೇಷ್ಮೆ ಮಂಡಳಿಯ ಕಾಯಿದೆ ಪ್ರಕಾರ ದ್ವಿತಳಿ ಚಾಕಿ ಸಾಕಾಣಿಕೆ ಮಾಡಲು ನೊಂದಾಯಿತರಾಗಿರುವ ಬಗ್ಗೆ ದೃಢೀಕರಣ ನೀಡಬೇಕು.
• ಚಾಕಿ ಸಾಕಾಣಿಕೆ ಕೇಂದ್ರವು ಪ್ರೌಢ ಹುಳು ಸಾಕಾಣಿಕೆ ಮನೆಗಳಿಂದ ದೂರವಿರಬೇಕು, ಚಾಕಿ ತೋಟದಲ್ಲಿಯೇ ಕಟ್ಟಡವಿರÀಬೇಕು ಮತ್ತು ನಿಗದಿತ ಮಾದರಿ ನಕ್ಷೆಯಂತಿರಬೇಕು
• ಫಲಾನುಭವಿಗೆ ಕನಿಷ್ಠ 2 ಎಕರೆ ಸ್ವಂತ ಅಥವಾ ಗುತ್ತಿಗೆ ಆಧಾರದ ಮೇಲೆ ಪಡೆದ ನೀರಾವರಿವುಳ್ಳ ಹಿಪ್ಪುನೇರಳೆ ಚಾಕಿ ತೋಟವಿದ್ದು, ಚಾಕಿ ತೋಟಕ್ಕೆ ಕಡ್ಡಾಯವಾಗಿ ಹನಿ ನೀರಾವರಿ ಅಳವಡಿಸಿರಬೇಕು.
• ವಾರ್ಷಿಕ 1.50 ರಿಂದ 1.60 ಲಕ್ಷ ದ್ವಿತಳಿ ಮೊಟ್ಟೆ ಚಾಕಿ ಕಟ್ಟುವ ಸಾಮಥ್ರ್ಯತೆ ಇರಬೇಕು
• ದ್ವಿತಳಿ ಚಾಕಿ ಸಾಕಾಣಿಕೆಯ ಬಗ್ಗೆ ರಾಜ್ಯ/ಕೇಂದ್ರ ರೇಷ್ಮೆ ತರಬೇತಿ ಸಂಸ್ಥೆಗಳಲ್ಲಿ ತರಬೇತಿ ಹೊಂದಿರುವ ಬಗ್ಗೆ ದೃಢೀಕರಣ ಹೊಂದಿರಬೇಕು
• ನಿಗಧಿತ ಪ್ರಮಾಣದಲ್ಲಿ ಚಾಕಿ ಸಾಕಾಣಿಕ ಸಲಕರಣೆಗಳನ್ನು ಖರೀಧಿಸಿರಬೇಕು

ಅರ್ಜಿ ಸಲ್ಲಿಸುವ ವಿಧಾನ

ಆಫ್‍ಲೈನ್

ಸಲ್ಲಿಸಬೇಕಾದ ದಾಖಲೆಗಳು

• ದ್ವಿತಳಿ ಚಾಕಿ ಸಾಕಾಣಿಕೆ ತರಬೇತಿ ಪಡೆದಿರುವ ಬಗ್ಗೆ ಪ್ರಮಾಣ ಪತ್ರ
• ಜಾತಿ ಪ್ರಮಾಣ ಪತ್ರ
• ಚಾಕಿ ತೋಟದ ಸರ್ವೆ ನಂಬರು(ಗಳು)ಳ್ಳ ಚಾಲ್ತಿ ಪಹಣಿ
• ಚಾಕಿ ಸಾಕಾಣಿಕ ಕಟ್ಟಡ ನಿರ್ಮಾಣಕ್ಕೆ ಸಕ್ಷಮ ಪ್ರಾಧಿಕಾರದ ಅನುಮೋದನೆ ಪತ್ರದ ಮೂಲ ಪ್ರತಿ
• ಚಾಕಿ ಸಾಕಾಣಿಕ ಕಟ್ಟಡ ಮಂಜೂರಾದ ನಕ್ಷೆಯ ಮೂಲ ಪ್ರತಿ
• ಚಾಕಿ ಸಾಕಾಣಿಕ ಕಟ್ಟಡ ಎಸ್ಟಿಮೇಟ್ (ವೆಚ್ಚದ ಅಂದಾಜು ಪಟ್ಟಿ)
• ಚಾಕಿ ಸಾಕಾಣಿಕ ಸಲಕರಣೆ ಖರೀದಿಸಿರುವ ಬಗ್ಗೆ ದೃಢೀಕರಣ
• ಚಾಕಿ ಸಾಕಾಣಿಕಾ ತೋಟ/ಕಟ್ಟಡ/ ಸಲಕರಣೆ ಖರೀದಿಗೆ ಸಾಲ ಪಡೆದಿದ್ದಲ್ಲಿ ಹಣಕಾಸು ಸಂಸ್ಥೆಯ ಸಾಲ ಮಂಜೂರಾತಿ ಪತ್ರದ ದೃಢೀಕೃತ ಪ್ರತಿ (ಅನ್ವಯವಾದಲ್ಲಿ)
• ಸಿಅರ್‍ಸಿ ನೋಂದಾಯಿತ ವಿವರ
• 50 ರೂಪಾಯಿಗಳ ಛಾಪಾ ಕಾಗದದಲ್ಲಿ ಮುಚ್ಚಳಿಕೆ
• ತಾಂತ್ರಿಕ ಸೇವಾ ಕೇಂದ್ರದ ರೇಷ್ಮೆ ವಿಸ್ತರಣಾಧಿಕಾರಿಗಳು ನಡೆಸಿದ ಮಹಜರು / ರೇಷ್ಮೆ ಸಹಾಯಕ ನಿರ್ದೇಶಕರ/ರೇಷ್ಮೆ ಉಪನಿರ್ದೇಶಕರು/ರೇಷ್ಮೆ ಜಂಟಿ ನಿರ್ದೇಶಕರ ಪರಿಶೀಲನೆ ಮತ್ತು ಶಿಫಾರಸ್ಸು

ಸ್ಥಳೀಯ ರೇಷ್ಮೆ ವಿಸ್ತರಣಾಧಿಕಾರಿ/ ರೇಷ್ಮೆ ಸಹಾಯಕ ನಿರ್ದೇಶಕ ಸಹಾಯಕ ನಿರ್ದೇಶಕರು/ಸಂಬಂಧಿಸಿದ ಜಿಲ್ಲೆಯ ರೇಷ್ಮೆ ಉಪನಿರ್ದೇಶಕರನ್ನು ಸಂಪರ್ಕಿಸುವುದು

ರೇಷ್ಮೆ ಕೃಷಿ ಅಭಿವೃದ್ಧಿ ಆಯುಕ್ತರು ಹಾಗೂ ರೇಷ್ಮೆ ನಿರ್ದೇಶಕರು,
ರೇಷ್ಮೆ ನಿರ್ದೇಶನಾಲಯ, 5ನೇ ಮಹಡಿ, ಬಹುಮಹಡಿಗಳ ಕಟ್ಟಡ,
ಡಾ.ಬಿ.ಆರ್ ಅಂಬೇಡ್ಕರ್ ವೀಧಿ, ಬೆಂಗಳೂರು-560001
ದೂರವಾಣಿ: 080-22252611

ಹಾಗೂ ವಿಭಾಗೀಯ ರೇಷ್ಮೆ ಜಂಟಿ ನಿರ್ದೇಶಕರು
[email protected]
www.karnataka.gov.in/sericulture
080-22246786, 080-22246786
ಸಹಾಯವಾಣಿ: +91-9900881100