ರೇಷ್ಮೆ ಇಲಾಖೆ: ಸ್ವಯಂಚಾಲಿತ ರೀಲಿಂಗ್ ಯಂತ್ರೋಪಕರಣ (ಎಆರ್‍ಎಂ) ದಿಂದ ಉತ್ಪಾದಿಸಿದ ದ್ವಿತಳಿ ಕಚ್ಚಾ ರೇಷ್ಮೆಗೆ ಪ್ರೋತ್ಸಾಹಧನ

ಯಾರಿಗೆ?

ರೇಷ್ಮೆ ಬೆಳೆಗಾರರಿಗೆ

ಅರ್ಹತೆಗಳು/ಮಾನದಂಡಗಳು

• ಇಲಾಖೆಯಿಂದ ರೀಲಿಂಗ್ ಪರವಾನಗಿ ಪಡೆದ ರಾಜ್ಯದ ಎಆರ್‍ಎಂ ರೇಷ್ಮೆ ನೂಲು ಬಿಚ್ಚಾಣಿಕೆದಾರರಾಗಿರಬೇಕು.
• ಪ್ರತಿ ಮಾಹೆಯಲ್ಲಿ ಪ್ರತಿ 15 ದಿನಗಳಿಗೊಮ್ಮೆ 2 ತಂಡಗಳಲ್ಲಿ (ದಿನಾಂಕ:1 ರಿಂದ 15 ಮತ್ತು 16 ರಿಂದ ಮಾಹೆಯ ಅಂತ್ಯದ ದಿನಾಂಕ) ಉತ್ಪಾದಿಸಿದ ದ್ವಿತಳಿ ಕಚ್ಚಾ ರೇಷ್ಮೆಗೆ ಕೇಂದ್ರ ರೇಷ್ಮೆ ಮಂಡಳಿಯ ರೇಷ್ಮೆ ಪರೀಕ್ಷಾ ಕೇಂದ್ರದ ’ರೇಷ್ಮೆ ಗ್ರೇಡ್ ಪ್ರಮಾಣ ಪತ್ರ’ ಪಡೆಯುವುದು ಕಡ್ಡಾಯ.
• ಪ್ರತಿ ರೀಲರ್‍ಗೆ ಸ್ಥಾಪಿತ ಒಂದು ಘಟಕಕ್ಕೆ ಸೀಮಿತಗೊಳಿಸಿ ಉತ್ಪಾದನೆಯ ನಿಗದಿತ ಪ್ರಮಾಣಕ್ಕೆ ಹಾಗೂ ನಿಗದಿತ ಅವಧಿಯವರೆಗೆ ಮಾತ್ರ ದ್ವಿತಳಿ ಕಚ್ಚಾ ರೇಷ್ಮೆ ಪ್ರೋತ್ಸಾಹಧನ ನೀಡಲಾಗುವುದು.
• ಕಚ್ಚಾ ರೇಷ್ಮೆ ಪ್ರೋತ್ಸಾಹಧನಕ್ಕಾಗಿ ಸಂಪೂರ್ಣ ಪ್ರಸ್ತಾವನೆಯನ್ನು ರೇಷ್ಮೆ ವಹಿವಾಟು ಮಾಡಿದ 30 ದಿನದೊಳಗೆ ಸಂಬಂಧಪಟ್ಟ ತಾಂತ್ರಿಕ ಸೇವಾ ಕೇಂದ್ರ (ರೀಲಿಂಗ್) ಅಧಿಕಾರಿಗಳಿಗೆ/ಗೂಡಿನ ನಂತರದ ಚಟುವಟಿಕೆ ಅಧಿಕಾರಿಗಳಿಗೆ ನಿಗಧಿತ ನಮೂನೆಯÀಲ್ಲಿ ಸಲ್ಲಿಸತಕ್ಕದ್ದು.
• ಪ್ರೋತ್ಸಾಹಧನದ ಪ್ರಸ್ತಾವನೆಯು ಸ್ಥಾಪಿತ ಒಂದು ಘಟಕದ ರೇಷ್ಮೆ ಉತ್ಪಾದನೆಗೆ ಮಾತ್ರ ಸೀಮಿತಗೊಂಡಿರಬೇಕು.

ಅರ್ಜಿ ಸಲ್ಲಿಸುವ ವಿಧಾನ

ಆಫ್‍ಲೈನ್ (ಅರ್ಜಿ ನಮೂನೆಗಾಗಿ ಕಚೇರಿಯನ್ನು ಸಂಪರ್ಕಿಸುವುದು)

ಸಲ್ಲಿಸಬೇಕಾದ ದಾಖಲೆಗಳು

• ರಾಜ್ಯದ ರೇಷ್ಮೆ ಗೂಡು ಮಾರುಕಟ್ಟೆಗಳಲ್ಲಿ ರೇಷ್ಮೆ ಗೂಡು ಖರೀದಿಸಿರುವ ಬಗ್ಗೆ ಸಂಬಂಧಪಟ್ಟ ಮಾರುಕಟ್ಟೆ ಅಧಿಕಾರಿಗಳಿಂದ ಪಡೆದ ದೃಢೀಕರಣ.
• ಒಂದು ವೇಳೆ ‘ಗುತ್ತಿಗೆ ಕೃಷಿ’ ಮೂಲಕ ರೇಷ್ಮೆ ಗೂಡು ಖರೀದಿಸಿದ್ದಲ್ಲಿ, ಸಂಬಂಧಪಟ್ಟಂತೆ ರೇಷ್ಮೆ ಬೆಳೆಗಾರರೊಂದಿಗಿನ ಒಪ್ಪಂದದ ಪ್ರತಿ ಮತ್ತು ಸ್ಥಳೀಯ ಕ್ಷೇತ್ರ ಮಟ್ಟದ ಅಧಿಕಾರಿಗಳಿಂದ ಪಡೆದ ರೇಷ್ಮೆ ಬೆಳೆ ಹಾಗೂ ಗೂಡಿನ ಇಳುವರಿಯ ದೃಢೀಕರಣ.
• ಘಟಕದಲ್ಲಿ ಉತ್ಪಾದಿಸಿದ ದ್ವಿತಳಿ ಕಚ್ಚಾ ರೇಷ್ಮೆಯನ್ನು ರಾಜ್ಯದ ರೇಷ್ಮೆ ವಿನಿಮಯ ಕೇಂದ್ರಗಳಲ್ಲಿ ವಹಿವಾಟು ಮಾಡಿರುವ ಬಗ್ಗೆ ಸಂಬಂಧಪಟ್ಟ ರೇಷ್ಮೆ ವಿನಿಮಯ ಕೇಂದ್ರದ ಅಧಿಕಾರಿಗಳಿಂದ ನಮೂನೆ 17-ಜೆ ನಲ್ಲಿ ಪಡೆದ ವಹಿವಾಟು ದಾಖಲಾತಿ.
• ಒಂದು ವೇಳೆ ನೇರವಾಗಿ ನೋಂದಾಯಿತ ರೇಷ್ಮೆ ವರ್ತಕರಿಗೆ/ಉದ್ದಿಮೆದಾರರಿಗೆ ಮಾರಾಟ ಮಾಡಿದ್ದಲ್ಲಿ, ಸಂಬಂಧಪಟ್ಟ ಖರೀದಿದಾರರ ನೋಂದಣಿ/ ಪರವಾನಗಿ (Traders’ license / GST registration) ಪ್ರತಿಯೊಂದಿಗೆ ಗೂಡಿನ ನಂತರದ ಚಟುವಟಿಕೆ ಅಧಿಕಾರಿಗಳಿಂದ ಪಡೆದ ವಹಿವಾಟು ಬಿಲ್ಲಿನ ದೃಢೀಕರಣ.
• ರೀಲಿಂಗ್ ರಹದಾರಿ ಪ್ರತಿ.
• ಆಧಾರ್ ಕಾರ್ಡ್ ಪ್ರತಿ.
• ಬ್ಯಾಂಕ್ ಉಳಿತಾಯ ಖಾತೆ (ಆಧಾರ್ ಲಿಂಕಿತ) ಸಂಖ್ಯೆ– ಹೆಸರು, ಖಾತೆ ಸಂಖ್ಯೆ, ಐಎಫ್‍ಎಸ್‍ಸಿ ಕೋಡ್ ವಿವರವುಳ್ಳ ಪಾಸು ಪುಸ್ತಕ ಪುಟದ ಪ್ರತಿ.

ಸ್ಥಳೀಯ ರೇಷ್ಮೆ ವಿಸ್ತರಣಾಧಿಕಾರಿ/ ರೇಷ್ಮೆ ಸಹಾಯಕ ನಿರ್ದೇಶಕ ಸಹಾಯಕ ನಿರ್ದೇಶಕರು/ಸಂಬಂಧಿಸಿದ ಜಿಲ್ಲೆಯ ರೇಷ್ಮೆ ಉಪನಿರ್ದೇಶಕರನ್ನು ಸಂಪರ್ಕಿಸುವುದು

ರೇಷ್ಮೆ ಕೃಷಿ ಅಭಿವೃದ್ಧಿ ಆಯುಕ್ತರು ಹಾಗೂ ರೇಷ್ಮೆ ನಿರ್ದೇಶಕರು,
ರೇಷ್ಮೆ ನಿರ್ದೇಶನಾಲಯ, 5ನೇ ಮಹಡಿ, ಬಹುಮಹಡಿಗಳ ಕಟ್ಟಡ,
ಡಾ.ಬಿ.ಆರ್ ಅಂಬೇಡ್ಕರ್ ವೀಧಿ, ಬೆಂಗಳೂರು-560001
ದೂರವಾಣಿ: 080-22252611

ಹಾಗೂ ವಿಭಾಗೀಯ ರೇಷ್ಮೆ ಜಂಟಿ ನಿರ್ದೇಶಕರು
[email protected]
www.karnataka.gov.in/sericulture
080-22246786, 080-22246786
ಸಹಾಯವಾಣಿ: +91-9900881100