ರೇಷ್ಮೆ ಇಲಾಖೆ: ಮೈಸೂರು ಶುದ್ದ ತಳಿ ಚಾಕಿ ಸಾಕಾಣಿಕೆ ವೆಚ್ಚದ ಸಹಾಯಧನ

ಯಾರಿಗೆ?

ರೇಷ್ಮೆ ಬೆಳೆಗಾರರಿಗೆ

ಅರ್ಹತೆಗಳು/ಮಾನದಂಡಗಳು

• ಕೇಂದ್ರ ರೇಷ್ಮೆ ಮಂಡಳಿಯ ಕಾಯ್ದೆಯನ್ವಯ ನಿಯಮಾನುಸಾರ ನೋಂದಣಿಯಾಗಿರಬೇಕು
• ಚಾಕಿ ಕೇಂದ್ರಗಳು ಅಧಿಸೂಚಿತ ಮೈಸೂರು ಬಿತ್ತನೆ ಪ್ರದೇಶದ ರೇಷ್ಮೆ ಬೆಳೆಗಾರರಿಗೆ ವಿತರಿಸಿದ ಚಾಕಿಗೆ ಮಾತ್ರ ಸಹಾಯ ಧನ ನೀಡುವುದು.
• ಚಾಕಿ ಸಾಕಾಣಿಕಾ ಕೇಂದ್ರ ಕಟ್ಟಡವು ಅಧಿಸೂಚಿತ ಬಿತ್ತನೆ ವಲಯದ ಪ್ರದೇಶದೊಳಗೆ ಇರತಕ್ಕದ್ದು ಹಾಗೂ ಕಡ್ಡಾಯವಾಗಿ ಮೈಸೂರು ಶುದ್ದ ತಳಿಯನ್ನು ಮಾತ್ರ ಚಾಕಿ ಮಾಡುವುದು.
• ಸಂಬಂಧಿಸಿದ ಸೀಡ್ ಆಫೀಸರ್‍ಗಳಿಂದ ಚಾಕಿ ಸರ್ಟಿಫಿಕೇಷನ್ ಮಾಡಿಸಿ 2ನೇ ಹಂತದ ನಂತರವೇ ಚಾಕಿ ಹುಳುಗಳನ್ನು ರೇಷ್ಮೆ ಬೆಳೆಗಾರರಿಗೆ ವಿತರಿಸತಕ್ಕದ್ದು.

ಅರ್ಜಿ ಸಲ್ಲಿಸುವ ವಿಧಾನ

ಆಫ್‍ಲೈನ್ (ಅರ್ಜಿ ನಮೂನೆಗಾಗಿ ಕಚೇರಿಯನ್ನು ಸಂಪರ್ಕಿಸುವುದು)

ಸಲ್ಲಿಸಬೇಕಾದ ದಾಖಲೆಗಳು

• ರೇಷ್ಮೆ ಬೆಳೆಗಾರರು ನೊಂದಾಯಿತ ಚಾಕಿ ಸಾಕಾಣಿಕಾ ಕೇಂದ್ರಗಳಿಂದ ಚಾಕಿ ಪಡೆದ ಬಗ್ಗೆ ರಶೀದಿ ಮತ್ತು ಉತ್ಪಾದಿಸಿದ ರೇಷ್ಮೆ ಗೂಡುಗಳನ್ನು ಸರ್ಕಾರಿ ರೇಷ್ಮೆ ಗೂಡು ಮಾರುಕಟ್ಟೆಗಳಲ್ಲಿ ಮಾರಾಟ ಮಾಡಿರುವ ಬಗ್ಗೆ ಬಿಡ್ಡಿಂಗ್ ಸ್ಲಿಪ್‍ಗಳನ್ನು ಕಡ್ಡಾಯವಾಗಿ ಪ್ರಸ್ತಾವನೆಯೊಂದಿಗೆ ಸಲ್ಲಿಸುವುದು
• ಸರ್ಕಾರಿ ಬಿತ್ತನೆ ಕೋಠಿಗಳಿಂದ ಪಡೆದ ಮೊಟ್ಟೆಗಳ ರಶೀದಿಯ ಜೆರಾಕ್ಸ್ ಪ್ರತಿಯನ್ನು ವಿಭಾಗೀಯ ರೇಷ್ಮೆ ಸಹಾಯಕ ನಿರ್ದೇಶಕರು ಧೃಡೀಕರಿಸಿ ಪ್ರಸ್ತಾವನೆಯೊಂದಿಗೆ ಸಲ್ಲಿಸುವುದು.
• ಗಂಟು ರೋಗದ ಪರೀಕ್ಷೆಯನ್ನು ನಿಯಮಾನುಸಾರ ಕಡ್ಡಾಯವಾಗಿ ಕೈಗೊಂಡು ದಾಖಲೆಗಳನ್ನು ನಿರ್ವಹಿಸುವುದು ಹಾಗೂ ಈ ಬಗ್ಗೆ ಸಂಬಂಧಿಸಿದ ರೇಷ್ಮೆ ಸಹಾಯಕ ನಿರ್ದೇಶಕರುಗಳಿಂದ ಸೂಕ್ತ ದೃಢೀಕರಣ ಪಡೆಯುವುದು.
• ಚಾಕಿ ಸಾಕಾಣಿಕಾ ಕೇಂದ್ರದಿಂದ ಬೆಳೆಗಾರರವಾರು ವಿತರಣೆಯಾದ ಚಾಕಿಯ ಪ್ರಮಾಣ, ತಂಡದ ಸಂಖ್ಯೆ, ದರ, ಮೊತ್ತ, ರಶೀದಿ ಸಂಖ್ಯೆ ಮತ್ತು ದಿನಾಂಕಗಳ ವಿವರಗಳನ್ನು ವಿತರಣಾ ವಹಿಯಲ್ಲಿ ನಮೂದಿಸಿ ಮಾಲೀಕರು ಸಹಿ ಮಾಡುವುದು. ಅದನ್ನು ವಿಭಾಗೀಯ ರೇಷ್ಮೆ ಸಹಾಯಕ ನಿರ್ದೇಶಕರು ಪ್ರತಿ ಮಾಹೆಯಲ್ಲಿ ಧೃಡೀಕರಿಸಿ ಪ್ರಸ್ತಾವನೆಯೊಂದಿಗೆ ಸಲ್ಲಿಸುವುದು

ಸ್ಥಳೀಯ ರೇಷ್ಮೆ ವಿಸ್ತರಣಾಧಿಕಾರಿ/ ರೇಷ್ಮೆ ಸಹಾಯಕ ನಿರ್ದೇಶಕ ಸಹಾಯಕ ನಿರ್ದೇಶಕರು/ಸಂಬಂಧಿಸಿದ ಜಿಲ್ಲೆಯ ರೇಷ್ಮೆ ಉಪನಿರ್ದೇಶಕರನ್ನು ಸಂಪರ್ಕಿಸುವುದು

ರೇಷ್ಮೆ ಕೃಷಿ ಅಭಿವೃದ್ಧಿ ಆಯುಕ್ತರು ಹಾಗೂ ರೇಷ್ಮೆ ನಿರ್ದೇಶಕರು,
ರೇಷ್ಮೆ ನಿರ್ದೇಶನಾಲಯ, 5ನೇ ಮಹಡಿ, ಬಹುಮಹಡಿಗಳ ಕಟ್ಟಡ,
ಡಾ.ಬಿ.ಆರ್ ಅಂಬೇಡ್ಕರ್ ವೀಧಿ, ಬೆಂಗಳೂರು-560001
ದೂರವಾಣಿ: 080-22252611

ಹಾಗೂ ವಿಭಾಗೀಯ ರೇಷ್ಮೆ ಜಂಟಿ ನಿರ್ದೇಶಕರು
[email protected]
www.karnataka.gov.in/sericulture
080-22246786, 080-22246786
ಸಹಾಯವಾಣಿ: +91-9900881100