ರೇಷ್ಮೆ ಇಲಾಖೆ: ರೇಷ್ಮೆ ಬೆಳೆಗಾರರಿಗೆ ಸಹಾಯಧನ – ಹಿಪ್ಪುನೇರಳೆ ನರ್ಸರಿ

ಯಾರಿಗೆ?

ಸ್ವಂತ / ಗುತ್ತಿಗೆ ಪಡೆದ ಸಮೃದ್ಧ ನೀರಾವರಿ ಸೌಲಭ್ಯವುಳ್ಳ ಕನಿಷ್ಠ ಒಂದು ಎಕರೆ ಸಮತಟ್ಟಾದ, ಎತ್ತರಕ್ಕಿರುವ, ಫಲವತ್ತಾದ ಜಮೀನು ಉಳ್ಳವರು ಈ ಸಹಾಯ ಪಡೆಯಬಹುದು.

ಅರ್ಹತೆಗಳು/ಮಾನದಂಡಗಳು

• ಸ್ವಂತ / ಗುತ್ತಿಗೆ ಪಡೆದ ಸಮೃದ್ಧ ನೀರಾವರಿ ಸೌಲಭ್ಯವುಳ್ಳ ಕನಿಷ್ಠ ಒಂದು ಎಕರೆ ಸಮತಟ್ಟಾದ, ಎತ್ತರಕ್ಕಿರುವ, ಫಲವತ್ತಾದ ಜಮೀನು ಉಳ್ಳವರು ಈ ಸಹಾಯ ಪಡೆಯಬಹುದು.
• ಈ ಜಮೀನನ್ನು ಇಲಾಖೆಯ ಅಧಿಕಾರಿಗಳು ವೀಕ್ಷಿಸಿ ದೃಢೀಕರಿಸಿರಬೇಕು.
• ಮಣ್ಣು ಪರೀಕ್ಷೆಯನ್ನು ಸರ್ಕಾರಿ ಮಣ್ಣು ಪರೀಕ್ಷಾ ಪ್ರಯೋಗಾಲಯಗಳಲ್ಲಿ ಮಾಡಿಸಬೇಕು.
• ಸಸಿಗಳನ್ನು ವರ್ಷಃಪೂರ್ತಿ ಬೆಳಸಬಹುದಾಗಿದ್ದರೂ, ನಾಟಿ ಕಾಲಕ್ಕೆ 4 ತಿಂಗಳು ಮುಂಚಿತವಾಗಿ ಬೆಳೆಸುವುದು ಸೂಕ್ತ. ಅಂದರೆ ಫೆಬ್ರವರಿ-ಏಪ್ರಿಲ್ ತಿಂಗಳುಗಳಲ್ಲಿ ಬೆಳೆಸಲು ಕ್ರಮವಹಿಸುವುದು. ಜೂನ್-ಆಗಸ್ಟ್‍ಗೆ ಸಸಿಗಳನ್ನು ನಾಟಿ ಮಾಡಲು ವಿತರಿಸುವುದು.
• ಸಸಿಗಳನ್ನು ಏರುಮಡಿಗಳಲ್ಲಿ ಅಥವಾ 23-25.ಸೆಂ.ಮಿ ಎತ್ತರ ಮತ್ತು 10-15 ಸೆಂ.ಮಿ ವ್ಯಾಸವುಳ್ಳ ಪಾಲಿಥೀನ್ ಬ್ಯಾಗ್‍ಗಳಲ್ಲಿ ಮಣ್ಣು, ಸಾವಯವ ಗೊಬ್ಬರ, ಮರಳುಗಳ ಮಿಶ್ರಣದಿಂದ ತುಂಬಿಸಿ ಬೆಳೆಸಬಹುದಾಗಿದೆ.
• ಸುಧಾರಿತ ಹೆಚ್ಚು ಇಳುವರಿ ನೀಡುವ ಬಿತ್ತನೆ ಕಡ್ಡಿಗಳನ್ನು ಸಸಿ ಬೆಳೆಸಲು ಉಪಯೋಗಿಸಬೇಕು.
• ಒಬ್ಬ ರೈತ ಗರಿಷ್ಠ 1.00 ಎಕರೆವರೆಗೆ ಸಸಿ ಬೆಳೆಸಿ ಸೌಲಭ್ಯ ಪಡೆಯಬಹುದಾಗಿದೆ.
• ಒಂದು ಎಕರೆಯಲ್ಲಿ 1,28,000 ಸಸಿಗಳನ್ನು 4 ತಿಂಗಳವರೆಗೆ ಬೆಳೆಸಿರಬೇಕು

ಅರ್ಜಿ ಸಲ್ಲಿಸುವ ವಿಧಾನ

ಆಫ್‍ಲೈನ್ (ಅರ್ಜಿ ನಮೂನೆಗಾಗಿ ಕಚೇರಿಯನ್ನು ಸಂಪರ್ಕಿಸುವುದು)

ಸಲ್ಲಿಸಬೇಕಾದ ದಾಖಲೆಗಳು

• ಸಹಾಯಧನ ಪಡೆಯುವ ಫಲಾನುಭವಿಯೊಂದಿಗೆ ಇಲಾಖಾ ಸಿಬ್ಬಂದಿ / ಅಧಿಕಾರಿಗಳು ಕಿಸಾನ್ ನರ್ಸರಿ ಮುಂದೆ ನಿಂತಿರುವ ಛಾಯಾಚಿತ್ರ ತೆಗೆಯಿಸಿ ಸಲ್ಲಿಸಬೇಕು
• ಇಲಾಖೆಯು ನಿಗದಿಪಡಿಸಿದ ನಮೂನೆಯಲ್ಲಿ ಅರ್ಜಿ, ಮಹಜರ್, ಶಿಫಾರಸ್ಸು / ದೃಢೀಕರಣಗಳಿರಬೇಕು.
• ಜಾತಿ ಪ್ರಮಾಣ ಪತ್ರ

ಸ್ಥಳೀಯ ರೇಷ್ಮೆ ವಿಸ್ತರಣಾಧಿಕಾರಿ/ ರೇಷ್ಮೆ ಸಹಾಯಕ ನಿರ್ದೇಶಕ ಸಹಾಯಕ ನಿರ್ದೇಶಕರು/ಸಂಬಂಧಿಸಿದ ಜಿಲ್ಲೆಯ ರೇಷ್ಮೆ ಉಪನಿರ್ದೇಶಕರನ್ನು ಸಂಪರ್ಕಿಸುವುದು

ರೇಷ್ಮೆ ಕೃಷಿ ಅಭಿವೃದ್ಧಿ ಆಯುಕ್ತರು ಹಾಗೂ ರೇಷ್ಮೆ ನಿರ್ದೇಶಕರು,
ರೇಷ್ಮೆ ನಿರ್ದೇಶನಾಲಯ, 5ನೇ ಮಹಡಿ, ಬಹುಮಹಡಿಗಳ ಕಟ್ಟಡ,
ಡಾ.ಬಿ.ಆರ್ ಅಂಬೇಡ್ಕರ್ ವೀಧಿ, ಬೆಂಗಳೂರು-560001
ದೂರವಾಣಿ: 080-22252611

ಹಾಗೂ ವಿಭಾಗೀಯ ರೇಷ್ಮೆ ಜಂಟಿ ನಿರ್ದೇಶಕರು
[email protected]
www.karnataka.gov.in/sericulture
080-22246786, 080-22246786
ಸಹಾಯವಾಣಿ: +91-9900881100